एखादी संस्था वाढविण्यासाठी खूप प्रशासकीय ज्ञान आणि कौशल्य असावे लागते.बाळासाहेब अतिशय शिस्तप्रिय आणि कार्यकुशल होते.

शिवसेनेची ध्येय आणि धोरणे

शिवसेनेच्या घटनेमधे स्पष्टपणे नमूद केलेली आहेत.नमूद केलेली उद्दिष्टे खालील प्रमाणे आहेत: आपण प्रथम भारतीय आहोत ही शिवसेनेची निष्ठा आहे. म्हणूनच देशद्रोहाचा प्रखर विरोध ही शिवसेनेची मूलभूत व अविभक्त भूमिका आहे.

तरुणांना व तरुणींना न्याय्य हक्काच्या प्राप्तीसाठी व राष्ट्रीय कर्तव्याच्या पूर्तीसाठी संघटित करणे व कार्यप्रवण बनविणे ,हे शिवसेनेचे मूलभूत उद्दिष्ट आहे.

राजकारणापेक्षा समाजकारणाला शिवसेना महत्त्व देते. स्वीकृत सामाजिक व राष्ट्रीय कार्याला गती देण्यासाठी व तेवढ्यापुरतेच ती राजकारणात प्रत्यक्ष भाग घेईल. जनसेवा व जनसंघटन हेच सामाजिक उद्दिष्टपूर्तीचे साधन आहे,अशी तिची धारणा आहे.

जात-धर्म-पंथ-भाषा-भेद शिवसेनेला मान्य नाहीत. तसेच इतरांनी ते मानू नयेत असा तिचा आग्रह आहे.